%%&أنــــــت تــــســـكـــن بـالــــعـــيـــون&%%

لاجيت يم الــورد ودك تلمه
ما تدري ان الورد وده يلمك
لا صار بين ايديك ورد تشمه
انت تشم الورد والا يشمك
يا بعد كل الورد خاله وعمه
يا بعد منهو في عيونه يضمك
في ذمتك في ذمتك قلت ذمه
انت تلــم الـــورد والا يلمك


يامبعدن عن شوف عيني مسافات
لاتحسب انه يخلف البعد ظني
غلاك بقلبي شامخ مابعد مات
وماهزته بعد المسافات مني
لو تبتعد روحي و روحك قريبات
الغلا جمعهن غصب عنك وعني

غيرك بقلبي مافتحنا له حســاب
تعال وزع سهم ربح التجافي
يامن ملكت السوق في شركه احباب
ضارب وانا وياك ماقول كافي
قدرك بقلبي مانزل مثل ينســـاب
لا والله الا فوق مثل المصافي

أنت تسكن بالعيون
لاتغيرك الظنون
صاحبك بالحب وافي
وانت له صدر حنون
أنتظر لحظه لقاك
ليتني طير بسماك
يابعد كل القوافي
كيف ابين لك غلاك
لو تفرقنا الظروف
أو تعاندنا الحروف
انت تدري عن غلاك
وحدك بفكري تطوف

كل ما طيفك على بالي طرى
قمت اغني لك من اللحن الجديد
مابرى جرح المحبه مابرى
ياقريب الدار عن عيني بعيد
لاتقول اشعار والا وش جرى
غلطتي حبيت وابكيت القصيد
كم هم العشاق من تحت الثرى
وكم من الاشواق في قلبي تزيد

ان قلت لك بهاجر وأخليك
وأترك الدنيا وأرحل بدونك
وان قلت اني مع الوقت ناسيك
وقلبي غدا بالوقت الأقشر يخونك
أكون كـــذاب من غير تشكيك !
وشلون ابنسى بسمتك مع عيونك
لك موقع محفوظ في قلب مغليك
أقرب من أهدابك لجفونك !
وفي النهايه بيت واحد يكفيك
خله في بالك لي جن جنونك
يقوله (الجسمي) وكنه شدى فيك
(والله ماتسوى أعيش الدنيا دونك)

وحشتني !! كثر السكوت كثر الحكي من غير صوت
كثر الألم ..كثر الندم
كثر المحبه والعدم
وحشتني !! كثر الوله اللي بقلبي أحمله
كثر المشاعر والعيون
اللي تصيح بكل صوت




واحشـــــني وحسيتك تناديني
واحشـــــني وعرفتك ماتجافيني
أنا فيني
سوالف عشق ولهانه
خواطر شوق حيرانه
تبي تحكي لعيونك
تقول لك حيل مشتاقه
بقربك دوم تلملمني
واذا غبت تبعثرني
مدري هي مشاعر عشق
والا انت واحشني؟!



أكتب غلاك بصفحه الطيب والجود
على الوفاء يا غناتي ما نسيتك
وأنا الذي في محبتك حيل محسود
لو تطلب عيوني وروحي عطيتك
عظيم الموده بيننا حيل موجود
وأنا بعد بكل المودة شريتك


حسبت اشواقنا غابت واثاري الشوق تو مافاق
واثاري بقلبي الساهي حنين لك بعد باقي
انا ما كنت احسب ان القلوب الساهيه تشتاق
ولاكنت احسبك في يوم تجي وتحرك أشواقي

"تكفى" يوم توصلك الرساله تبسم لاجلي
ترى منهو فقد مثلك تملل من هواجيسه
وش الدنيا بدون أشخاص مثلك
فكر وقلي ؟؟
تراها في نظر منهو يحبك حيل ما تــســـوى


تـــــــوك قبل لحظه على البال مريت !
توني أسولف عن غلاك لعيوني..
سولفت للقلب عنك ويـــــاليت
تسمع وش اللي قلت بك ياشجوني؟
مثل الخيال أتبعك أنا وين ما أقفيت
مجنون فيك وزايد في جنونــــي..